ഓണം ആഘോഷിക്കാത്തവരെ നാട് കടത്തണോ ! നിലവിളക്ക് കൊളുത്താത്തവരെ തൂക്കിക്കൊല്ലണോ !

മുസ്ലിംകളെക്കൊണ്ട് ഓണം ആഘോഷിപ്പിക്കാനും, പരസ്പരം കാണുമ്പോള്‍ ഹസ്തദാനം ചെയ്ത് സലാം പറയുന്നതിന് പകരം കൈകൂപ്പി നമസ്കാരം പറയിപ്പിക്കാനും,  ഭൂരിപക്ഷ സമൂഹം നല്ല കാര്യമായി ആചരിച്ചു വരുന്ന നിലവിളക്ക് കൊളുത്തല്‍ ബിസ്മി ചൊല്ലുന്നതിനു പകരമായി ചെയ്യിപ്പിക്കാനും ഇവിടെ കുറെ ആളുകള്‍ ഓരിയുടുന്നത് കണ്ടു ... ഇവിടെ പാവങ്ങളായ ഞങ്ങള്‍ ഈ പറഞ്ഞതൊന്നും ചെയ്യാതെ തന്നെ മറ്റൊരു മനുഷ്യനും ദ്രോഹം ചെയ്യാതെ എല്ലാവര്ക്കും നന്മ വരണം എന്നാഗ്രഹിച്ചു കൊണ്ട് മറ്റൊരാള്‍കും ബുദ്ധിമുട്ടില്ലാത്ത വിധത്തില്‍ സ്വന്തം വിശ്വാസം ആത്മാര്‍ഥമായി അനുഷ്ടിച്ചു പോകണമെന്ന് ആഗ്രഹിക്കുന്ന  ഇന്ത്യാക്കാരായി ജീവിച്ചു പോകാന്‍ സമ്മതിക്കുമോ ആവോ ...????

 ഇവിടെ ഇന്ത്യന്‍ ഭരണ ഘടന അനുസരിച്ച് മറ്റൊരാള്‍ക്ക്‌ ബുദ്ധിമുട്ടില്ലാതെ ഏതൊരു മതത്തില്‍ വിശ്വസിക്കാനും വിശ്വസിക്കാതിരിക്കാനുമുള്ള അവകാശമുണ്ട് .. അത് പോലെ തന്നെ സംസ്കാരത്തിന്‍റെ പേരിലാണെങ്കിലും ഇത് പോലെ ചെയ്യാനും മറ്റൊരാളേയും ബുദ്ധിമുട്ടിക്കാതെ ചെയ്യാതിരിക്കാനുമുള്ള അധികാരം ഏതു പൌരനും ഈ രാജ്യത്തെ ഭരണഘടന അനുവാദം നല്‍കുന്നുണ്ട് . ചുരുക്കിപ്പറഞ്ഞാല്‍ ഓണം ആഘോഷിക്കാനും ആഘോഷിക്കാതിരിക്കാനും ഒരാള്‍ക് അധികാരമുണ്ട് ... ആഘോഷിച്ചവനോ .. ആഘോഷിക്കാത്തവനോ ഇവിടെ തെറ്റ് ചെയ്തതായി ഭരണഘടനയോ ഇന്ത്യന്‍ ശിക്ഷാ നിയമമോ പറയുന്നില്ല ... മാത്രമല്ല ഈ രണ്ടു കാര്യത്തിന്‍റെ പേരിലും ജയിലിലിടാനും അവകാശമില്ല ... പക്ഷെ ഓണാഘോഷത്തിന്‍റെ  ഭാഗമായി കള്ളുകുടിച്ചു വഴിയെ പോകുന്നവനെ തല്ലിയാല്‍ ഇപ്പറഞ്ഞ അവകാശമെല്ലാം തീരും അവിടെ പോലീസ് പിടിച്ചു ജയിലിലിടുകയും ചെയ്യും  കാരണം മറ്റൊരു പൌരന്‍റെ  അവകാശത്തിനു നേര്‍ക്കുള്ള കടന്നു കയറ്റം .....അത് തന്നെ .

അത് പോലെത്തന്നെയാണ് ഓണം ആഘോഷിക്കുന്ന ഒരുത്തനെ അതില്‍ നിന്ന് തടയലും തെറ്റാണ് അപ്പോഴും പോലീസിനു പണിയാവും .. ഇവിടെയും പൌരന്റെ അവകാശത്തിനു വിഘ്നം വരുന്നു എന്നത് കൊണ്ട് തന്നെ .... എന്നാല്‍ മുസ്ലിംകളായ മുസ്ലിംകളെക്കൊണ്ടോക്കെ പ്രത്യേകിച്ചും മുസ്ലിം ലീഗ് നേതാകന്മാരെക്കൊണ്ട്  ഓണം ആഘോഷിപ്പിക്കാനും നിലവിളക്ക് കത്തിപ്പിക്കാനും,  ഹസ്തദാനം ചെയ്യുന്നതിന് പകരം കൈ കൂപ്പിക്കാനുമൊക്കെ  കാവി നിറം കണ്ണിനു ബാധിച്ച ചിലരും മറ്റു ചില രാഷ്ട്രീയക്കാരുമൊക്കെ കുറെ കാലമായി നടക്കുന്നു ...ഇപ്പൊ അതിനു കൂട്ടായി വിദ്യാഭാസക്കച്ചവടം നടത്തുന്ന ഒരു ഭിഷഘ്വരനും മുസ്ലിം ലീഗ് ദാനം നല്‍കിയ അധ്യാപകപ്പണികൊണ്ട് ആളായ മറ്റൊരു ഡോക്ടറേറ്റ്‌ കാരനും ഇറങ്ങിയിരിക്കുന്നു .

ഇടക്കെങ്കിലും ഇതില്‍ ബി.ആര്‍.പി. ഭാസ്കര്‍ സാറിനെപ്പോലെയുള്ളവരും വല്ലാതെ തിടുക്കം കാണിക്കുന്നുണ്ട് ... മുസ്ലിം ലീഗ് മന്ത്രിമാര്‍ക്കോ , മുസ്ലിം സമുദായത്തില്‍ പെട്ടവര്‍ക്കോ (എല്ലാവര്‍ക്കുമല്ല താല്പര്യമില്ലാത്തവര്‍ക്ക് ) ഇത്തരം ഒരു ചടങ്ങില്‍ പങ്കാളിയാകുന്നതില്‍ താല്പര്യമില്ലെങ്കില്‍ താല്പര്യമില്ലാത്തവര്‍ അത് ചെയ്യേണ്ട എന്ന് വെച്ചാല്‍ പോരെ ... ആ മാറിനില്‍ക്കല്‍ ഇന്ത്യന്‍ ഭരണഘടന അനുശാസിക്കുന്ന ഒരു പൌരന്‍റെ അവകാശമല്ലേ .... 

ഇവിടെ ഏതെങ്കിലും വ്യക്തി ഒരു സാംസ്കാരികമോ മതപരമോ ആയ ഒരു കാര്യം സ്വന്തം ആശയത്തെയോ ആദര്‍ശത്തെയോ കാരണമാക്കി ചെയ്യാതിരുന്നാല്‍ അത് ആര്‍ക്കാണ് ബുദ്ധിമുട്ടുണ്ടാകുന്നത് ... ഇവിടെ അതിനുള്ള സ്വാതന്ത്ര്യം മുസ്ലിംകള്‍ക്കോ മുസ്ലിം ലീഗ് മന്ത്രിമാര്‍ക്കോ ഇല്ലേ ... അവരും ഈ രാജ്യത്തെ പൌരന്മാരല്ലേ ....മറ്റുമതസ്ഥര്‍ക്കോ സമൂഹത്തിനോ യാതൊരു പ്രയാസവുമില്ലാതെ സ്വന്തം വിശ്വാസ ആചാരങ്ങള്‍ അനുഷ്ടിക്കുകയും ... താല്പര്യമില്ലാത്ത ആചാരങ്ങളില്‍നിന്ന് വിട്ടുനില്കാന്‍ താല്‍പര്യപ്പെടുകയും ചെയ്യുന്നവരെ തീവ്രവാദിയും സങ്കുചിതക്കാരനും ആക്കാന്‍ ശ്രമിക്കുന്നത് എന്ത് ലാഭം കിട്ടാനാണ് .

ആഘോഷിക്കുന്നവര്‍ ആഘോഷിക്കട്ടെ  വിളക്ക് കൊളുത്തുന്നവര്‍ കൊളുത്തട്ടെ താല്പര്യമില്ലത്തവര്‍ മാറി നില്കട്ടെ ഇങ്ങനെ ഒരു നിലപാട് സ്വീകരിച്ചാല്‍ പോരെ ..... താല്പര്യമില്ലത്തവര്‍ അത് ചെയ്തേ തീരൂ എന്ന് കെ.ടി.ജലീലിനു എന്താണിത്ര വാശി .... ഒരു കാര്യം ഇവിടെ വ്യക്തമാക്കാന്‍ ആഗ്രഹിക്കുന്നു  ഞങ്ങള്‍ക്ക് മാനസികമായി യോജിപ്പില്ലാത്ത കാര്യങ്ങള്‍ (  നിലവിളക്ക് കൊളുത്തല്‍, സലാം പറയുന്നതിന് പകരം കൈകൂപ്പല്‍ , ഓണം അതിന്‍റെ ആചാരങ്ങളോടു കൂടി നിര്‍ബന്ധമായി ആഘോഷിക്കല്‍ ഉള്‍പ്പെടെ താല്പര്യമില്ലാത്ത എല്ലാ കാര്യങ്ങളും  ) ഏതാനും ചിലര്‍ നിര്ബന്ധിച്ചതിന്‍റെ പേരില്‍ ഞങ്ങള്‍ ആചരിക്കാന്‍ ഉദ്ദേശിക്കുന്നില്ല ....ആചാരങ്ങള്‍ ചെയ്യാന്‍ താല്പര്യമുള്ളവര്‍ ചെയ്യട്ടെ .. ഞങ്ങളെ എന്തിനു നിര്‍ബന്ധിക്കുന്നു .... ഞങ്ങളുടെ ആശയവുമായി യോജിക്കാത്ത കാര്യം മറ്റൊരാള്‍ക്കും , മറ്റൊരു സമുദായത്തിനും ബുദ്ധിമുട്ടില്ലാത്ത വിധത്തില്‍ ചെയ്യതിരിക്കുന്നതിന്‍റെ  പേരില്‍ ഞങ്ങള്‍ തീവ്രവാദികള്‍ ആകുന്നു എങ്കില്‍ ഞങ്ങള്‍ അതില്‍ അഭിമാനിക്കുന്നു .... 

നിലവിളക്ക് കൊളുത്തി ഉദ്ഘാടനം ചെയ്യുന്നതിന് പകരം എല്ലാവരും സാംസ്കാരിക കൈമാറ്റത്തിന് വേണ്ടി ബിസ്മി ചൊല്ലി ഉദ്ഘാടനം ചെയ്യണമെന്നോ ... പരസ്പരം കൈകൂപ്പുന്നതിനു പകരം കൈകൊടുത്തു സലാം പറയണമെന്നോ ഇവിടെ ആരെങ്കിലും പറഞ്ഞോ ..... അങ്ങനെ ആരെങ്കിലും പറഞ്ഞാല്‍ അപ്പൊ കാണാമായിരുന്നു സാംസ്കാരിക ഭീകരന്മാരെയും തീവ്രവാദികളെയും .... സാംസ്കാരിക കൈമാറ്റവും ആചാരവും ഒക്കെ ഒരു വശത്തേക്ക് മാത്രമേ പാടുള്ളൂ എന്നാണല്ലോ കണക്ക് ... അത്കൊണ്ട് ആളെ വിട് മാഷേ ... വെറുതെ സമയം മെനക്കെടുത്താതെ വേറെ വല്ല പണിയും നോക്ക് .... മതേതരത്വത്തിന് വളാഞ്ചേരിയില്‍ നിന്നും , എം.ഇ.എസ് ആസ്ഥാനത്തു നിന്നും കൊടുക്കുന്ന സര്‍ട്ടിഫിക്കറ്റ് തല്‍കാലം ഞങ്ങള്‍ക്ക് വേണ്ട . ഏതു ... അത് തന്നെ ...